Facturación electrónica

Que é a factura electrónica?

Unha factura electrónica é, ante todo, unha factura. É dicir, ten os mesmos efectos legais que unha factura en papel.  Lembremos que unha factura é un xustificante da entrega de bens ou a prestación de servizos.

Unha factura electrónica é unha factura que se expide e recibe en formato electrónico.

É importante destacar que a expedición dunha factura electrónica está condicionada ao consentimento do seu destinatario. A factura electrónica, por tanto, é unha alternativa legal á factura tradicional en papel.

 Acceso á plataforma FACE 

Normativa legal

As facturas, en xeral, e as facturas electrónicas, en particular, están reguladas polo Real Decreto 1619/2012, do 30 de novembro, polo que se aproba o Regulamento polo que se regulan as obrigacións de facturación. Este Regulamento establece as normas que deben cumprir obrigatoriamente as facturas, tanto en papel como electrónicas. 
Nel regúlanse aspectos como:

  • Obrigación de expedir factura.
  • Tipos de facturas: completa ou ordinaria e simplificada.
  • Expedición por terceiros.
  • Contido da factura.
  • Requisitos das facturas: lexibilidade, autenticidade e integridade.
  • Especificidades da factura electrónica.
  • Prazos.
  • Outras facturas: recapitulativa, duplicados, rectificativas.
  • Réximes especiais.
  • Conservación. 

Lexibilidade, autenticidade e integridade 

Todas as facturas, sexan electrónicas ou en papel, deben garantir:

  • A lexibilidade da factura.
  • A autenticidad da orixe da factura (é dicir, garantir a identidade do obrigado á súa expedición e do emisor da factura, que poden ser a mesma persoa).
  • A integridade do contido da factura (é dicir, garantir que o seu contido non foi modificado).

No caso da factura electrónica, a lexibilidade facilítaa o programa informático que a crea ou recibe. 

A autenticidade e a integridade pódense garantir de diversas formas:

  • Mediante sinatura electrónica avanzada baseada nun certificado recoñecido.
  • Mediante intercambio electrónico de datos EDI.
  • Mediante outros medios que as persoas interesadas comuniquen á Axencia Estatal de Administración Tributaria con carácter previo á súa utilización e sexan validados por esta.
  • Mediante os controis de xestión usuais da actividade empresarial ou profesional do suxeito pasivo, sempre que permitan crear unha pista de auditoría fiable que estableza a necesaria conexión entre a factura e a entrega de bens ou prestacións de servizos que esta documenta.

Tipos de facturas electrónicas

Convén distinguir dous tipos fundamentais de factura electrónica: a factura electrónica con formato estruturado e a factura electrónica con formato non estruturado. 

Ambas son documentos electrónicos susceptibles de seren transmitidos mediante redes de comunicacións electrónicas, como Internet. A diferenza estriba en que o formato estruturado facilita o seu tratamento automatizado mentres que o non estruturado non o facilita.

Facturas en formato estruturado 


As facturas en formato estruturado conteñen datos e poden ser xeradas automaticamente polos sistemas informáticos de facturación do emisor e ser tramitadas de forma igualmente automatizada polos sistemas informáticos de pago e contabilidade do receptor. Exemplos de formatos estruturados son os que utilizan a linguaxe XML (como UBL ou Facturae), EDIFACT, etc.

Facturas en formato non estruturado 


As facturas en formato non estructurado consisten esencialmente nunha imaxe, o que implica que o seu procesamento para poder ser introducidas nos sistemas informáticos do receptor require unha intervención manual ou un proceso custoso que non adoita estar completamente automatizado, como o recoñecemento óptico de caracteres (OCR). Entre estas temos as facturas en papel dixitalizadas e os ficheros PDF. 

Vantaxes da factura electrónica 

Beneficios específicos da factura electrónica son:

  • Acurtar os ciclos de tramitación, incluído o cobro.
  • Reducir erros humanos.
  • Eliminar custos de impresión e envío postal.
  • Facilitar un acceso máis rápido, áxil e fácil ás facturas almacenadas.
  • Reducir drasticamente o espazo necesario para a súa almacenaxe.
  • Mellorar o servizo ao cliente.
  • Eliminar o consumo de papel e o seu transporte, co consiguinte efecto positivo sobre o medio ambiente.
  • Facilitar a loita contra a fraude.
  • Subsumir a factura nos sistemas informáticos empresariais, mellorando drasticamente a súa xestión.
  • e (isto é o máis importante) contribuír á modernización da economía e ao desenvolvemento da Sociedade da Información.

Os beneficios económicos derivados da automatización do proceso da factura superan aos aforros en impresión e envío postal. Por iso, o máximo beneficio potencial realízase mediante o emprego de facturas electrónicas con formato estruturado, aínda que hai escenarios onde non se materializan estes beneficios, como o caso de facturas destinadas a persoas físicas. 

Estes beneficios, con todo, non poderán materializarse se non se superan importantes retos. Cómpre destacar os seguintes: 

  • A súa adopción pola Pequena e Mediana Empresa (PEME), que constitúe o segmento máis importante do tecido empresarial español e europeo.
  • A súa aceptación pola cidadanía; a súa implantación nas Administracións públicas; e a interoperabilidade dos sistemas de facturación electrónic1a que permita o seu uso na interrelación comercial tanto dentro como a través das nosas. fronteiras.

Actualidade

O PMUS humaniza as principales avenidas do centro... de Sada

11 / NOV / 2022

O equipo redactor entrega o documento, que expón crear plataformas compartidas e gañar espazo para os peóns nas avenidas Barrié de la Maza e A Mariña, na praza Igrexa Nova ou na Rúa dá Praia

COMPARTIR EN:

Sada reclama ao Estado e á Xunta unha reunión para... abordar o futuro de A Terraza

09 / NOV / 2022

O Alcalde de Sada, Benito Portela, ven de remitir sendas misivas á Dirección General de la Costa y el Mar e á Dirección Xeral de Patrimonio Cultural nas que demanda unha xuntanza entre as distintas administracións para definir a execución dun Plan Director de rehabilitación do edificio de A Terraza de Sada.

COMPARTIR EN:

Subvencións municipais para actividades culturais... ano 2022

02 / NOV / 2022

A Xunta de Goberno Local na sesión ordinaria celebrada na data do 20 de outubro de 2022 adoptou, entre outros, o acordo de aprobar a convocatoria de subvencións municipais destinada a asociacións culturais do termo municipal para organizar actividades culturais no ano 2022,

COMPARTIR EN:

Subvencións municipais a entidades organizadoras d...as festas patronais parroquiais para o ano 2022

02 / NOV / 2022

A Xunta de Goberno Local na sesión ordinaria celebrada na data do 20 de outubro de 2022 adoptou, entre outros, o acordo de aprobar a convocatoria de subvencións municipais a entidades organizadoras das festas patronais parroquiais no Concello de Sada para o ano 2022, a

COMPARTIR EN:

Subvencións a entidades organizadoras de festas pa...tronais parroquiais para contratar orquestras no ano 2022

02 / NOV / 2022

A Xunta de Goberno Local na sesión ordinaria celebrada na data do 20 de outubro de 2022 adoptou, entre outros, o acordo de aprobar a convocatoria de subvencións municipais para entidades organizadoras de festas patronais e populares no Concello de Sada para a contratación de orquestras, vinculada á concesión definitiva da axuda provincial PEL-CONCELLOS-OV no ano 2022.

COMPARTIR EN:

LUZ VERDE Á AMPLIACIÓN DA DEPURADORA DE SADA CON 1...0,3 MILLÓNS DE EUROS

28 / OUT / 2022

A nova depuradora de Sada quedará dimensionada para atender as necesidades dunha poboación de 24.393 habitantes no ano horizonte 2044 e unha achega industrial de 6.070 habitantes equivalentes. O alcalde de Sada, Benito Portela, agadeceu a Augas de Galicia a súa disposición para aceptar a proposta do goberno municipal para abordar a financiación da ampliación da EDAR de Sada coa fin de adecuar a súa capacidade de tratamento as necesidades actuais do sistema de saneamento así como agradeceu  aos técnicos do ente autonómico e do Concello de Sada polo gran traballo realizado na redacción do anteproxecto. Portela celebrou a consecución desta actuación que permitirá "solucionar o saneamento de augas residuais". O rexedor manifestou o seu desexo de que as obras poidan comezar canto antes dado o aumento da poboación que está a experimentar o Concello de Sada nos últimos anos”.

COMPARTIR EN:

I XINCANA SAMAÍN INCLUSIVO

25 / OUT / 2022

A de Promoción Económica, Turismo e Emprego propón a realización dun evento inclusivo denominado I Xincana Samaín Inclusivo.

COMPARTIR EN:

Sada activa nos vindeiros días as cinco pantallas ...dixitais do municipio

14 / OUT / 2022

A concellería de Comunicación celebra a celeridade coa que finalmente se tramitaron os informes para a conexión da rede de paneis dixitais e deste xeito agradece a implicación de todas as entidades

COMPARTIR EN:

ROTEIRO GASTRONÓMICO OUTONO DE TAPAS 2022

07 / OUT / 2022

A  Concellería de Promoción Económica, Turismo e Emprego en colaboración cos hostaleiros e hostaleiras participantes, programa o Roteiro Gastronómico Outono de Tapas 2022.

COMPARTIR EN:

AS TAXAS DO CEMITERIO E DOS VADOS COBRARANSE DO 3 ...DE OUTUBRO AO 3 DE DECEMBRO 2022

28 / SEP / 2022

A Xunta de Goberno Local, en sesión do día 15 de setembro, aprobou os seguintes padróns correspondentes ao exercicio 2020: Padrón fiscal da taxa polo mantenemento do cemiterio municipal e Padrón fiscal da taxa por Entrada de vehículos a través de beirarúas e reserva vía pública.

COMPARTIR EN:

Procesos de selección do persoal e do alumnado-tra...ballador do obradoiro de emprego "RESERVA DE BIOSFERA: EMPREGO VERDE II"

07 / SEP / 2022

A data de inicio prevista da formación é o 19 de setembro de 2022 e posibilitará a contratación durante un ano de 26 persoas, 20 para as prazas de alumnado-traballador e 6 para as prazas de persoal directivo, docente e de apoio.

COMPARTIR EN:

ANUNCIO DE COBRANZA RELATIVO AOS RECIBOS DO I.A.E.... 2022

22 / AGO / 2022

A Delegación da Axencia Tributaria na Coruña comunica, en relación cos recibos do Imposto sobre Actividades Económicas correspondentes a 2022, e cando se trate de cotas nacionais e provinciais, cuxa xestión recadatoria corresponde á Administración Tributaria do Estado, o seguinte:

COMPARTIR EN:

VER MÁIS NOVAS