 |
Oscar Benito PortelaAlcalde |
Saúdos veciñanza,
Este mandato ten para min unha principal liña estratéxica: a normalidade. Logo do convulso final do pasado mandato, queremos que Sada goce da tranquilidade política que as veciñas e veciños reclamades. Unha administración pública, especialmente un concello, necesita traballar no día a día para a súa veciñanza sen perder o tempo el liortas. E niso estamos, traballando.
As infraestruturas públicas, dende o saneamento á mobilidade, seguen a ser unha das nosas prioridades para este mandato. Catro anos nos que continuaremos apostando polas políticas sociais, que co goberno de Sadamaioría acadaron o orzamento máis alto da súa historia. Orzamentos nos que tamén se reflicte o noso compromiso para facer desta vila un concello dinámico e atractivo dende un punto de vista económico e empresarial.
Non quero esquecerme doutros piares fundamentais para o noso goberno como son a educación e a cultura, cun traballo diario para ofrecer o mellor servizo público e as actividades máis atractivas para as nosas fillas e fillos. E destacar tamén a aposta polo deporte, ben sexa nas infraestruturas ou na promoción da actividade deportiva como elemento fundamental dunha vida saudable.
En definitiva, unha Sada para toda a cidadanía é o que buscamos neste mandato no que novamente vos animo a achegarvos polo Concello, visitar esta web e coñecer ó voso goberno. A facernos chegar dúbidas, preocupacións e suxestións. Xuntos, un mandato máis, estamos a construír a Sada do futuro.
Queremos escuchar vuestra opinión. Para nosotros es fundamental conocer vuestras propuestas, reflexiones, etc. Todo suma, todo auudará a hacer una Sada mejor.
Utilizad esta herramienta, participad de manera activa. Todos y todas podemos ayudar.