A Concellería de Benestar Social e Igualdade e Emprego programa as actividades sociais dirixidas a persoas maiores de 55 anos para contirubuír co envellecemento saudable, fomentar a autonomía persoal, promover a participación e integración social das persoas. Prazo de inscripción: Do 25 de agosto ao 5 de setembro (ambos inclusive)
DECRETO BASES ACTIVIDADES MAIORES 55 ANOS
ANEXO I - INSCRIPCION ACTIVIDADES +55
ANEXO II - BAIXA ACTIVIDADES +55
HORARIOS ACTIVIDADES
OBXECTO
O programa de actividade sociais para persoas maiores de 55 anos, promovido pola Concellería de Benestar Social e Igualdade e Emprego, ten como finalidade: contribuír a un envellecemento saudable, fomentar a autonomía persoal, promover a participación e integración social das persoas, e previr situacións de risco e/ou de exclusión social.
A través de diferentes actividades socias: de mantemento físico e da saude, estimulación cognitiva e potenciación da creatividade.
Coa fin de mellorar a calidade de vida das persoas destinatarias fomentando o seu benestar físico, social e mental.
PERSOAS DESTINATARIAS
Aquelas persoas que teñan cumpridos os 55 anos e maiores desa idade.
Excepcionalmente poderán participar persoas, que sin acadar a idade:
- Sexan titulares do certificado de discapacidade e acrediten a través de informe médico a idoneidade da actividade elixida. Informe emitido por un profesional do Servizo Galego de Saúde.
- - Se atopen en situación de risco ou exclusión social con previo informe favorable do/a técnico/a dos servizos sociais do concello.
Do mesmo xeito, poderán participar as persoas que non estén empadroadas no concello de Sada, aínda que terán preferencia as sí empadroadas. 4. REQUISITOS DAS PERSOAS PARTICIPANTES De xeito xeral, as persoas participantes deberán cumprir os seguintes requisitos:
- Ter 55 anos cumpridos o día anterior ao remate do prazo da solicitude (salvo excepcións recollidas no epígrafe anterior).
- Non ter débedas pendentes co concello de Sada pola participación nas actividades sociais de maiores de 55 anos en anteriores edicións.
- Terán preferencia as persoas empadroadas e con residencia efectiva no concello de Sada.
- Certificado de discapacidade, de ser o caso.
TEMPORALIZACIÓN E LUGAR DE REALIZACIÓN
A duración do programa das actividades desenvolverase durante os meses de outubro a xuño (ambos inclusive), cos seguintes períodos vacacionais:
- Nadal: dende o 25 de decembro ao 5 de xaneiro, ambos inclusive.
- Entroido: Luns e martes de entroido segundo o calendario anual.
- Semana Santa: de luns a venres da semana santa segundo o calendario anual.
Lugar de realización do programa de actividades sociais: Centros municipais: Local Social de Riobao (antiga cámara agraria) Local Social de Soñeiro Local Social de Osedo (O Castro) Local Social de Meirás Local Social de Mondego Local Social de Veigue Local Social de Carnoedo Local anexo ao servizos sociais comunitarios (A Laguna 44, 4 baixo).
PROGRAMACIÓN DAS ACTIVIDADES
As actividade sociais para persoas maiores de 55 anos distribúese en diferentes áreas segundo a táboa
- Ximnasia terapéutica 120
- Taichí 15
- Ioga 30
- Reforzo da memoria 120
- Pintura 30
A duración de cada actividade é de hora e media, cun máximo de 15 participantes por grupo. Sendo necesario un mínimo de 8 participantes por grupo para que se poida desenvolver a actividade. No caso de non chegar ao mínimo de participantes non se formará grupo. O concello de Sada reservase o dereito de efectuar as modificacións nas instalacións, horarios, que se consideren necesarias. Así como anular algunha actividade e/ou incluír outras novas, por motivos organizativos. O concello poderá variar o número de grupos en función da demanda, así como organízalos mesmos en función dos intereses das persoas participantes (grupos por niveis) e de criterios organizativos.
PRESENTACIÓN DE SOLICITUDES: FORMA E PRAZO DE INSCRICIÓN
As solicitudes presentaranse nas oficinas do concello: no rexistro xeral, a través da sede electrónica, ou en algún dos lugares sinalados no artigo 16 da Lei 39/2015. Mediante o modelo autorizado para tal fin (Anexo I) que poderá recollerse nas oficinas de presentación ou nos servizos sociais do concello.
Deberanse cubrir tódolos apartados (sendo imprescindible o teléfono de contacto), xunto co anexo I presentarase o documento de identidade e o anexo selado pola entidade bancaria ou o certificado de titularidade da conta bancaria (non serán válidos recibos bancarios nin a copia da cartilla).
Cada persoa poderá presentar unha única solicitude durante o curso e ata tres actividades diferentes. Solo nun horario/grupo por actividade, que deberá respectar ao longo do curso. É dicir, non poderá solicitar participar en máis dun horario nunha mesma actividade.
O prazo de presentación de solicitudes será de dez días hábiles, contando a partir do primeiro día hábil da última semana de agosto. Unha vez rematado o prazo publicarase a listaxe provisional de persoas admitidas e excluídas.
A partir do día seguinte desta publicación, ábrese un prazo para posibles subsanacións ou reclamacións oportunas, de tres días hábiles. Transcorrido o prazo de subsanacións ou reclamacións, publicarase a lista definitiva de persoas admitidas. No caso de existir máis demanda de prazas que oferta das mesmas, será sometida a sorteo público. Na medida do posible, naquelas actividades onde a demanda sexa superior a oferta, cabe a posibilidade da creación de novos grupos.
FORMALIZACIÓN DA INSCRICIÓN
A formalización definitiva da praza realizarase mediante o xustificante do pagamento segundo o establecido no prezo público e no correspondente período. A non formalización da inscrición suporá a renuncia da praza, sendo eliminado da listaxe de participantes de forma definitiva.
O pago do primeiro trimestre efectuarase mediante CARTA DE PAGAMENTO, que se poderá tramitar na Oficina Virtual Tributaria, (accedendo a páxina web do concello de Sada, sede electrónica), ou no departamento físico de Tesourería do concello de Sada. Os servizos recaudatorios serán os encargados de realizar os cargos correspondentes na conta bancaria da persoa participante no segundo e terceiro trimestre.
SOLICITUDES FÓRA DE PRAZO
As solicitudes fóra de prazo iranse incorporando á lista de agarda correspondente por orde de inscrición, tendo preferencia as persoas empadroadas no concello de Sada.
PROCEDEMENTO DAS LISTAXES DE AGARDA
Previo o comezo do 2º e 3º trimestre o concello actualizará as listas de participantes. No caso de quedar prazas vacantes, procederase ao chamamento a través de vía telefónica por orden da lista de agarda, para a posibilidade de novas altas.
A estes efectos só se darán novas altas por trimestre. Se non fose posible contactar coa persoa, pasarase ao seguinte da lista de agarda. Ditas comunicacións, sempre que sexa posible, realizaranse na segunda quincena do último mes de cada trimestre. As persoas que acepten a praza deberán formalizar a mesma a través do ingreso correspondente, segundo o procedemento establecido.
SOLICITUDE DE BAIXA NA ACTIVIDADE
As baixas de actividade deberán presentarse no rexistro oficial do concello, mediante o modelo de baixa correspondente (Anexo II), máximo ata o día 15 do último mes do trimestre para que surta efecto, é dicir, antes do 15 de decembro do primeiro trimestre e antes do 15 de marzo do segundo trimestre.
SOLICITUDE DE CAMBIO DE DOMICILIACIÓN BANCARIA
No caso de querer cambiar os datos de domiciliación da conta bancaria durante o curso deberán entregar no rexistro xeral do concello, a través do modelo de solicitude xeral, o cambio de datos aportando o novo documento de designación da conta bancaria.
O prazo de cambio de domiciliación, para que surta efecto, realizarase máximo ata o día 15 do último mes do trimestre anterior, é dicir, antes do 15 de decembro ou antes do 15 de marzo segundo o trimestre que corresponda.