Desde Coawa, impulsada pola Cátedra Emalcsa-UDC, ponse a disposición da cidadanía unha visita guiada na planta potabilizadora de A Telva e a contorna do Río Mero (Sigras, Cambre) o martes 7 de maio.
FORMULARIO INSCRICIÓN PARA A VISITA GUIADA Á TELVA
Que imos coñecer nas visitas guiadas da ETAP A Telva?
As persoas visitantes poderán coñecer de primeira man o proceso de potabilización da auga, desde a captación no propio río. Grazas a este proceso chega o suministro para o consumo en toda a cidade da Coruña e na área metropolitana.
Ademais, poderemos ver que tipo de flora e fauna habita na lámina de auga do Río Mero, o cal é esencial para tomar conciencia da importancia de coidar o noso medio natural para poder seguir mantendo a calidade da auga.
A visita é gratuita e inclúe o transporte de ida e volta en bus dende Sada.
Saída: 11.20 - Regreso: 14.00h
O límite de prazas é de 20 persoas.
Confirmarase por correo electrónico a praza no grupo da visita o día 3 de maio.
Importante: polas características do espazo no que se desenvolve a visita non se garantiza que poidan levalo a cabo persoas con movilidade reducida e usuarios/as de cadeiras de rodas.