O ámbito de As Brañas que se urbanizará acollerá o inmoble sanitario, unha zona de aparcadoiro con 42 prazas, unha zona verde, unha nova rúa e un edificio de pisos de tres alturas
Atendendo á demanda social dunha nova localización para o centro de saúde, o goberno municipal tramita un plan especial de reforma interior do ámbito de suelo non consolidado D3.6 Rua Lagoa, que se fíxo público onte .
Esta tramitación permitirá lograr a parcela que pretende trasladar esta atención sanitaria, a unha máis accesible. O desenvolvemento deste espazo permitirá completar a estrutura urbana da capital municipal polo suroeste e mellorar a accesibilidade aos equipamentos ademais de conseguir unha zona máis de aparcadoiro, xa que se prevén crear 42 prazas.
No espazo permitirase a construción, en 1.069 metros cadrados e cunha distribución de baixo máis tres alturas, dun edificio de vivenda colectiva, e desde o executivo municipal especificaron que o 30 % do aproveitamento residencial será de vivenda protexida.