POR MOR DAS INUNDACIÓNS ACAECIDAS EN SADA O PASADO 30 DE MARZO QUEDA SUSPENDIDA A CELEBRACIÓN DESTE EVENTO ATA NOVA DATA
-A asistencia será gratuíta e aberta pero é necesario inscribirse para participar. As normas son sinxelas e atópanse na web do evento.
- Os acompañantes dos participantes e o público que queira asistir poderán gozar da zona de lecer e dos postos de comida e bebida do SWAP.
Sada, 22 marzo 2016
Sada, como concello responsable, comprometido e activo, acolle por primeira vez un SWAP. O Concello súmase a esta iniciativa de intercambio de roupa e obxectos que permiten reutilizar, compartir e consumir de maneira responsable.
Baixo a lema: “Baleira a túa casa de cousas que xa non necesitas e cámbiaas por outras que che sirvan” o evento celebrarase o vindeiro domingo 3 de abril ás 17.00 horas nunha carpa habilitada detrás do edificio A Terraza, no paseo marítimo.
Nesta ocasión o SWAP terá varias categorías. Roupa e complementos de muller, home e neno, ademais de libros e discos. Ademais impartiranse dous talleres con prazas limitadas. Un a cargo de Sweet Subela de prantas de papel e outro un taller onde se poderá aprender como colocar un turbante, impartido por Eventos Ketola. A asistencia é gratuíta e aberta a todos pero é necesario inscribirse para participar. As normas son sinxelas e resúmense en catro sinxelos pasos: selección de material, inscrición, entrega de obxectos/prendas e por último intercambio.
As persoas participantes no primeiro SWAP de Sada deben achegar dez prendas como máximo. Roupa e complementos de muller, home e neno, ademais de libros e discos, serven tamén complementos e zapatos que estean en bo estado. A roupa que non se troque no evento donarase a unha ONG
A organización do evento realízana DeAmérica e Eventuali que levan desde o 2015 organizando este tipo de eventos e contan coa colaboración do goberno municipal de Sada a través da Concellaría de Promoción Económica e Turismo, xestionada por Liss Suárez Becerra.
PREGUNTAS E RESPOSTAS DO SWAP DE SADA
Que é isto?
Ante todo é unha festa coas súas bebidas, comida e música pero o importante é que ti reciclas as túas pezas e consegues renovar o teu armario intercambiando roupa con outro/as invitado/as. (Un trueque de toda a vida). Con moitos PLUSES. Impartiranse dous talleres con prazas limitadas. Un a cargo de Sweet Subela de plantas de papel e outro un taller onde se poderá aprender como colocar un turbante, impartido por Eventos Ketola.
Que teño que traer?
Dez prendas como máximo. Roupa e complementos de muller, home e neno, ademais de libros e discos que xa non che gusten, xa non te poñas ou xa non sírvanche.
Que roupa?
Ademais de camisetas, chaquetas, vestidos, abrigos, etc., tamén serven complementos (panos, gorros, zapatos, xoias) Non traias roupa interior, nin de baño nin de casa (cortinas, alfombras?)
En que estado traio a roupa?
Como ti quererías levarche a que elixas. LAVADA, PASADA O FERRO, LIMPA e SEN BURACOS. (Tratamos de facer un intercambio digno). Coma se prestáseslla a un/a amigo/a. As pezas que non consideremos que están ben as descartaremos e devolverémosvolas. A roupa que non se troque no evento donarase a una ONG
Horarios
Sábado 2 de abril: De 11.00-14.00 e de 16:00-20:00 horas estaremos a recibir todos os artigos que se queiran cambiar na carpa situada detrás da Terraza.
Domingo 3 de abril .17:00 - APERTURA DE PUERTAS - 20:00 horas ? Peche de SWAP
Durante todo o evento teremos zona de lecer e descanso para que os asistentes e acompañantes poidan degustar cervexas artesás, bebidas, merenda, etc.
Que teño que facer para asistir?
Escribe un mail a info@1x1swap.com ou inscríbeche directamente en este FORMULARIO