-O alcalde de Sada e o seu homólogo da Coruña firmaron esta mañá en María Pita un novo convenio de colaboración para que os servizos de emerxencias de Sada reciban material propiedade do concello coruñés.
- Declaracións do alcalde de Sada, Benito Portela, e do alcalde da Coruña, Xulio Ferreiro
Sada 19 febreiro 2016.
O alcalde de Sada, Benito Portela, reuniuse en María Pita co alcalde coruñés, Xulio Ferreiro, para firmar a renovación dun convenio polo que o concello coruñés cederá material e achegará formación ao servizo de urxencias municipal de Sada.
En base a este convenio o Servizo de Urxencias Municipal (SEM) de Sada recibirá diverso material procedente do servizo de extinción de incendios e salvamento da Coruña e posibilitará ao corpo sadense, entre outras cousas, dispoñer dalgunhas ferramentas de traballo máis modernas e efectivas.
“Para nos, indica Portela, e dunha vital importancia este convenio pero sobre todo a homoxenización da prestación de servizos na área metropolitana na que está traballando o concello da Coruña e a formación dos nosos traballadores de emerxencias”
Por medio desde convenio o concello da Coruña terá en conta ao Concello de Sada na impartición de cursos que se fagan dirixidos ao persoal do servizo de extinción de incendios e salvamento.
“Outra cousa importante, sinala o alcalde de Sada, e a optimización de recursos materiais polo que o concello de Sada poderá utilizar material en bo estado que o concello da Coruña cambie ou deixe de necesitar”
Precisamente o segundo punto do convenio indica que o concello da Coruña acorda ceder gratuitamente ao Concello de Sada o uso do material que, estando en bo estado, teña previsto dar de baixa no servizo de Extinción de Incendios e Salvamento.
Arquivado en
