O Concello de Sada, a través das áreas de Medio Ambiente e Educación, programa a actividade ‘A vila do mañá’. Trátase dun proxecto educativo e de divulgación cuxo obxectivo é que dende a infancia e adolescencia e a través do xogo se tome conciencia de todas as escalas do común: a arquitectura, o patrimonio tanxible e intanxible, o urbanismo e a paisaxe.
🔗 Inscrición gratuita aquí: A VILA DO MAÑÁ
O Concello de Sada programa esta actividade antes do comezo do curso escolar co obxectivo de promover o coñecemento do noso patrimonio a través de distintos xogos populares que se realizarán ó longo da primeira semana de setembro na rúa Bergondo e na praciña de Correos. A actividade, que é completamente gratuíta, busca tamén facilitar a conciliación familiar antes do inicio do curso escolar.
‘A Vila do mañá’ está dirixida a todas as persoas nadas ata 2019 — é dicir, maiores de 5 anos— e terá lugar do 1 ao 5 de setembro, entre as 10:00 horas e as 14:00 horas. Trátase dunha actividade completamente gratuíta, más por cuestións de organización é preciso inscribirse previamente a través da páxina web do Concello de Sada ou da ligazón que aparece nesta mesma publicación.
- Que: Actividade educativa ‘A vila do mañá’
- Cando: Mañás do 1 ó 5 de setembro, de 10h a 14h.
- Onde: rúa Bergondo e praciña de Correos (rúa Venezuela)
- A participación é aberta e de balde para todas as persoas maiores de 5 anos, sen límite de prazas