-O goberno municipal agradece, e moito, a tantos homes e mulleres que, empregando o seu tempo e medios fan unha labor desinteresada na procura do ben social.
- O Concello vén cubrindo as necesidades básicas de alimentación e medicación dos maiores de Sada que o necesitan e desde hai uns días, a través do voluntariado, ofrécese un servizo de seguemento e atención telefónica para loitar contra a soidade que provoca o confinamiento nas persoas que viven soas.
Sada, 9 abril 2020.
O pasado sábado 13 de marzo, o mesmo día que se decretaba o Estado de Alarma, o Concello de Sada habilitaba na súa páxina web un formulario para dotar ao municipio dun servizo de Voluntariado, en caso de que fose necesario.
Desde entón o Concello vén cubrindo as necesidades básicas de alimentación e medicación dos maiores de Sada que o necesitan. E desde hai uns días a través do voluntariado se ofrece un servizo de seguemento e atención telefónica para loitar contra a soidade que provoca o confinamiento en persoas que viven soas.
En total son 65 persoas inscritas, practicamente todas elas colaborando, as que contactaron nas dúas primeiras xornadas con 108 veciñas e veciños.
Este voluntariado fortalece os lazos coa comunidade ampliando a rede de apoio entre veciños, e facendo unha Sada, que sempre foi solidaria pero que nestas circunstancias o está a demostrar con creces.
O Concello de Sada, desde o Goberno Municipal, agradece, e moito, a tantos homes e mulleres que empregando o seu tempo e medios fan unha labor desinteresada na procura do ben social.
Desde os distintos departamentos municipais estanse a poñer en contacto con todas as persoas maiores de 70 anos que viven soas para coñecer as súas necesidades pero desde o Concello se anima á toda a xente interesada en darse de alta no voluntariado para chegar ao obxetivo de ofrecer este servizo de acompañamento a todos as persoas vulnerables, maiores de 70 anos que viven soas.
Asemade, desde o Concello se insiste en que se alguén é sabedor dalgunha persoa que precise da axuda, o comunique para poder atendela no correo covid19@sada.gal e nos teléfonos:
Atención Coronavirus - 900 400 116, Número de atención xeral para as consultas relacionadas co Coronavirus. No caso de Urxencia Sanitaria chamar ao 112.
Concello de Sada - 981 620 075. Horario de 09:00 a 14:00 horas. Para calquera consulta .
Servizos Sociais - 981 620 567. Horario de 09:00-14:00 horas. Para calquera consulta relacionada co benestar das familias ou axuda no fogar.
Policía Local - 629 572 289. 24 horas ao día. Para calquera consulta fora do horario de oficina e emerxencias durante todo o día.
Atención Municipal - 665 851 262. Para calquera consulta que necesite do Estado de Alarma
Servizo emerxencias - 607 438 457. 24 horas ao día. Para calquera situación de emerxencia.