Máis.cul é un programa de intervención sociocultural nas parroquias do Concello organizado pola concellería de Cultura e Praias que ten como obxectivos dinamizar o entorno comunitario e promover a participación activa da veciñanza na vida cultural e social de Sada.
6/11/2018 - Listaxe de persoas inscritas no programa máis.cul2018
BASES REGULADORAS DA PARTICIPACIÓN NO PROGRAMA MÁIS.CUL
Folla de inscrición para entregar na Oficina Municipal da Xuventude (OMIX)
Máis.cul é un programa de intervención sociocultural nas parroquias do Concello organizado pola concellería de Cultura e Praias que ten como obxectivos dinamizar o entorno comunitario e promover a participación activa da veciñanza na vida cultural e social de Sada, a través da realización, nos centros cívicos parroquiais, de diversas actividades enmarcadas no paradigma da educación permanente de adultos.
As actividades que a concellería de Cultura e Praias programa dentro do no Mais.cul son
- Papel Maché
- Encaixe de Bolillos
- Patchwork
- Fotografía
- Arte Floral
Este programa destínase á toda a poboación sen límite de idade aínda que terán preferencia aquelas persoas que estean empadroadas en Sada.
As actividades do programa máis.cul comezarán o luns 5 de novembro de 2018 e rematarán o venres 21 de xuño de 2019. Respectando os seguintes períodos vacacionais:
- Vacacións de Nadal (do 24 de decembro ao 6 de xaneiro)
- Vacacións de Entroido (do 4 ao 8 de marzo)
- Vacacións de Semana Santa (do 15 ao 20 de abril)
Cada actividade terá unha duración de dúas horas e atenderá á seguinte temporalización e localización:
- Papel Maché - Luns 18:30-20:30 no Centro cívico de O Castro
- Encaixe de Bolillos - Martes 19:30-21:30 no Centro cívico de Carnoedo
- Patchwork - Mércores 19:30-21:30 no Centro cívico de Mondego
- Fotografía - Xoves 18:30-20:30 no Centro cívico de Veigue
- Arte Floral - Venres 19:30-21:30 no Centro cívico de Meirás
Os participantes deberán formalizar a inscrición das actividades a través das seguintes vías:
- Presencialmente: cubrindo a folla de inscrición que se facilitará na Oficina da Xuventude. (OMIX)
- Correo electrónico: descargando o formulario e enviándoa á dirección de correo sada.cul@sada.gal
- On-line: cumprimentando este formulario en liña
O prazo para presentar as inscricións estará aberto entre o 22 e o 26 de outubro, ambos incluídos. O horario de atención ao público na Oficina da Xuventude é de 9:00 a 14:00 e de 16:00 a 18:00, de luns a venres. O listado de persoas admitidas publicarase o 2 de novembro. As persoas admitidas terán un prazo de formalización da matrícula entre o 5 e o 16 de novembro, debendo realizarse o pago do prezo público estipulado en 5€ mensuais por persoa e actividade.
O número máximo e mínimo de participantes virá determinado polas características específicas de cada actividade. No caso de non cumprir o mínimo de participantes requirido para o bo funcionamento dunha actividade esta será suplida por outra nova, que concorde coa finalidade e obxectivos do programa.
En caso de superar as prazas dispoñibles por actividade realizarase un sorteo público na OMIX. Todas aquelas persoas que queden sen praza pasarán a formar parte da listaxe de agarda (respectando a orde resultante no sorteo e con preferencia para empadroados) e poderán ser chamados para cubrir as prazas vacantes nas actividades do seu interese.
Arquivado en
