O Concello de Sada xunto coa Federación Galega de Voleibol organizan un CAMPUS DE VÓLEI PRAIA do 1 ao 4 de xullo na Praia das Delicias para iniciar á rapazada de 6 a 17 anos na práctica deste deporte.
INSCRICIÓN CAMPUS DE VÓLEI PRAIA SADA 2025
BASES PARTICIPACIÓN CAMPUS VÓLEI PRAIA
DATAS E HORARIO
- O campus desenvolverase do 1 ao 4 de xullo de 2025.
- O horario será de 10:00 a 14:00 horas.
Organizaranse dúas quendas:
- o 10:00 a 12:00: Grupo de 6 a 11 anos.
- o 12:00 a 14:00: Grupo de 12 a 17 anos.
LOCALIZACIÓN
O campus levarase a cabo no Concello de Sada, na praia das Delicias garantindo un entorno seguro e axeitado para a práctica do vólei praia.
PRAZAS E MONITORES
- Establecerase un máximo de 24 participantes por quenda.
- Haberá dous monitores especializados que supervisarán e dirixirán a actividade.
REQUISITOS DE PARTICIPACIÓN
- Poderán inscribirse nenos e mozos de entre 6 e 17 anos.
- A inscrición realizarase ata completar aforo por orde de chegada.
- Requirirase autorización dos pais ou titores.
MATERIAL NECESARIO
Cada participante deberá acudir con:
- Roupa deportiva axeitada.
- Protector solar.
- Gorra.
- Botella de auga.
INSCRICIÓNS
- As inscricións realizaranse a través da web habilitada pola Federación Galega de voleibol
Confirmarase a praza unha vez realizado o peche de inscricións mediante os correos electrónicos facilitados.
NORMATIVA E RESPONSABILIDADE
- Os participantes deberán seguir as indicacións dos monitores en todo momento.
- En caso de condicións meteorolóxicas adversas, a organización resérvase o dereito de modificar ou cancelar as actividades.
PROTECCIÓN DE DATOS
En cumprimento da Lei Orgánica 3/2018 de Protección de Datos Persoais e garantía dos dereitos dixitais, infórmase de que os datos persoais recollidos durante o proceso de inscrición serán tratados exclusivamente para a xestión do campus.
Ao realizar a solicitude de inscrición, os participantes (ou os seus representantes legais) aceptan expresamente esta condición.
CONTACTO
Para máis información, os/as interesados/as poden contactar coa Federación Galega de Voleibol a través do correo correo@volei.gal, redes sociais ou no teléfono 981 13 44 53.