A Alcaldía, por medio do decreto 2087/2025 do 10 novembro, resolveu aprobar a convocatoria de «Axudas económicas aos desprazamentos co fin escolar para o curso 2025», que se rexerán polas bases reguladoras seguintes. Prazo de solicitude entre 21/11/2025 e 12/12/2025 (A.I.)
Concesión de axudas ao transporte escolar, en réxime de concorrencia competitiva, dirixidas ao alumnado empadroado no Concello de Sada que curse estudos de Bacharelato, Ciclos Formativos de F.P., ensinanzas universitarias ou outras ensinanzas oficiais de carácter non obrigatorio, co fin de contribuír a paliar os gastos derivados do seu desprazamento a centros educativos situados fóra do termo municipal.
Ten como finalidade favorecer o acceso, a continuidade e a igualdade de oportunidades no sistema educativo do alumnado sadense que debe desprazarse a outras localidades para realizar estudos non obrigatorios. Estas axudas pretenden reducir a carga económica que supoñen para as familias os custos de transporte, contribuíndo á equidade e apoiando o proceso formativo da xuventude do concello.
Convocatoria de “Axudas económicas aos desprazamentos co fin escolar para o curso 2025”