A presente convocatoria da Concellaría de Educación ten por obxecto o establecemento de axudas económicas aos desprazamentos co fin escolar dirixida ao alumnado empadroado no Concello de Sada para o curso 2020-2021, favorecendo o acceso aos centros de ensino públicos mediante unha axuda nos custos derivados da utilización de calquera tipo de transporte para acceder a estes.
O prazo de presentación de solicitudes remata o 26 de novembro
BASES CONVOCATORIA AXUDAS AO TRANSPORTE ESCOLAR
11/11/2020 - EXTRACTO CONVOCATORIA AXUDAS TRANSPORTE
Criterios
Concederase unha única axuda para todo o curso lectivo, que será aboada en dous prazos: un 70 % na anualidade 2020 e un 30 % na anualidade 2021. Establécese como criterio de concesión a distancia que existe entre o domicilio do/a beneficiario/a e a localidade do centro de ensino onde estea matriculado/a (sempre e cando o centro careza de transporte escolar), segundo o baremo que figura a seguir (a distancia mínima para recibir a axuda é de 1 km):
- De 1 a 3 km: 50 € (p. ex. Sada)
- De 4 a 15 km: 80 € (p. ex. Bergondo, Betanzos...)
- De 16 a 40 km: 100 € (p. ex. A Coruña...)
- De 41 a 80 km: 150 € (p. ex. Santiago, Lugo...)
- Máis de 80 km: 180 € (p. ex. Pontevedra, etc.)
No caso de que, debido ao número de solicitantes beneficiarios/as e unha vez concedidas as axudas polos importes establecidos no parágrafo anterior, se superase a contía total fixada na Disposición Final, as citadas contías reduciranse nun 10 % do seu importe, sucesivamente e ata que se dea cobertura á totalidade das solicitudes presentadas. As persoas que estean cursando estudos en máis dun centro só poderán solicitar a axuda económica para un deles.
Beneficiarios/as
Poderá acollerse a estas axudas o alumnado empadroado no Concello de Sada que curse calquera dos seguintes estudos dentro ou fóra da Comunidade Autónoma Galega:
- Educación Secundaria Adultos (ESA).
- Bacharelato.
- FP/ciclos formativos.
- Estudios universitarios.
- Calquera estudio oficial homologado estatalmente.
Ademais, deberán cumprir os seguintes requisitos:
a) Estar empadroado no Concello de Sada.
b) Estar empadroado a máis de 1 km de distancia do centro de estudios.
c) Estar matriculado nun centro de ensino público.
d) En función da natureza da subvención aplícase a excepción prevista no artigo 10.2 da Lei 9/2007, do 13 de xuño, de subvencións de Galicia, en relación cos requisitos para obter a condición de beneficiario/a.
Non poderán acollerse as persoas que se encontraren nos seguintes supostos:
- Ter solicitada para o presente curso lectivo calquera outra axuda económica relacionada co desprazamento ao centro de ensino, ou ben estar matriculadas en cursos onde estean total ou parcialmente subvencionados os gastos de desprazamento.
- Cursar estudos de educación primaria ou secundaria (ESO), ou infantil (3-5 anos).
- Estar matriculadas en centros privados ou públicos concertados.
- Cursar estudos con duración inferior a 6 meses.
Para os efectos de dar traslado á axencia tributaria das axudas concedidas, tomarase como beneficiario/a ao/á interesado/a ou o/a representante legal, no caso de minoría de idade, co seu correspondente número de identificación.
Publicación das bases e prazo de presentación de solicitudes
As solicitudes, dirixidas ao Sr. Alcalde e asinadas pola persoa solicitante, formularanse no modelo que figura como anexo desta convocatoria e presentaranse no Rexistro electrónico do Concello ou por calquera dos medios sinalados no artigo 16.4 da Lei 39/2015, do 1 de outubro, do Procedemento Administrativo Común das Administracións Publicas.
As solicitudes deberán presentarse no prazo máximo de 15 días hábiles a partir da publicación desta convocatoria no Boletín Oficial da Provincia.
Tamén se publicará na páxina web do Concello, sendo posible presentar as instancias a partir dese momento.