Na noite do 23 ao 24 de xuño autorízase a realizar lumaradas en espazos de titularidade pública no Concello de Sada. Para isto, será preciso que as persoas interesadas presenten unha comunicación por escrito a través do rexistro xeral a partir do luns 10 e antes do día 21 de xuño ás 14:00 horas. Así mesmo será de obrigado cumprimento a notificación daquelas cacharelas a realizar en casas/fincas particulares ou espazos privados do municipio.
A Biblioteca Municipal organiza, o venres 7 de xuño ás 17:30h. e dentro da actividade Ler Conta Moito, o obradoiro creativo "Coas mans na masa"
O sábado 1 de xuño ás 11:30h. na Biblioteca infantil terá lugar un Cantacontos con Jojó, "el Hada de los cuentos"
O venres día 31 de maio ás 17:00 horas na Biblioteca terá lugar o Cantacontos teatral: Cueiros de cores dentro da actividade Ler Conta Moito que organiza a Biblioteca Municipal.
O Concello de Sada programa para este sábado 11 de maio concertos en distintas localizacións, dende a praia ata o porto. O escenario principal estará na Praza Suárez Picallo. “Con este evento abrimos a porta a uns meses nos que Sada vibra con distintas propostas culturais, musicais e festivas pensadas tanto para a nosa veciñanza como para visitantes” remarcou o alcalde, Benito Portela
Onte, domingo 21 de abril, rematou a XVII Mostra de Teatro Afeccionado de Sada, coa entrega dos premios Lugrís Freire e a representación da obra "Melocotón an Almibar" da compañía sadense Teatro Artesán. De entre as 36 solicitudes presentadas a concurso, as catro compañías que foron seleccionadas para a Mostra máis a seleccionada para o día de peche, recibiron un premio fixo de 800€. O premio do xurado recaeu en "De marzo a marzo" da compañía Opaí Teatro (Ferrol) que recibiu unha figura de cerámicas O Castro e outros 400€ para impulsar os seus futuros traballos. Pola súa banda, o público valorou de forma maioritaria a obra "Até logo, Mari Carmen" da compañía Caixón de Xastre (A Coruña) quen tamén foi obsequiada cunha figura de cerámicas O Castro e outros 400€ que sen dúbida contribuirán á creación de novos proxecto
O venres 5 de abril no auditorio da casa da cultura ás 17:00h prográmase o contacontos en movemento: libros e ioga! para nenos e nenas con idades de 4 a 7 anos dentro da actividade Ler Conta Moito que organiza a Biblioteca Municipal.
Mediante resolución da Presidencia número 5074, do 12 de febreiro de 2024, publicada no BOP do 15 de febreiro de 2024, procedeuse a conceder, de forma provisional, as subvencións da convocatoria FO207: Convocatoria do programa de subvencións a concellos e entidades locais para o mantemento de conservatorios, escolas de música e escolas de danza municipais, durante o ano 2024
A Concellería de Benestar social e Igualdade e Emprego do Concello de Sada presenta a programación das distintas actividades que se van a levar a cabo para a conmemoración do "8M Día Internacional da Muller".
O orzamento contempla subidas notables en servizos públicos básicos (+37%) ou protección social (20%). “Sada precisa destes orzamentos. Dende o goberno local facemos un chamamento á responsabilidade da corporación para que respalde unhas contas equilibradas, sociais e que apostan pola mellora dos espazos públicos” remarcou o alcalde, Benito Portela.
Esta convocatoria ten por obxecto promover a actividade teatral de carácter afeccionado e dar a coñecer entre a poboación sadense unha selección das creacións artísticas contemporáneas, no eido do teatro afeccionado. A proposta terá un formato de mostra ou festival, con varias datas nas que as compañías previamente seleccionadas representarán as súas obras. Na Mostra entregaranse os «Premios Lugrís Freire», en lembranza do escritor e dramaturgo sadense, un dos máximos expoñentes do teatro social galego, director da Escola Rexional de Declamación e homenaxeado coas Letras Galegas 2006. Será o público quen exprese a través das súas valoracións cales serán as compañías premiadas nesta edición.