Sada acollerá do 17 ao 19 de maio a segunda edición do campionato “BALONMÁN NA RÚA 5X5". A rapazada interesada pode inscribir xa o seu equipo
O alcalde, Benito Portela, e a Concelleira de Deportes, Rebeca Mouriño, participaron o pasado 10 de abril na Coruña na presentación do campionato “Balonmán na Rúa”. O rexedor destacou a importante aposta do goberno local polo deporte de base. Portela agarda que este campionato sirva para recuperar en Sada o equipo de balonmán que tantas alegrías deu á nosa vila no seu momento.
A copa 5X5 de balonmán que organiza a Deputación da Coruña celebrarase en Sada do 17 ao 19 de maio. Na primeira edición deste campionato participaron máis de 1.600 rapaces e, sobre todo, rapazas.
A mocidade sadense poderá participar nesta competición, xa que o obxectivo é achegar este deporte á toda a cidadanía, especialmente a nenos e nenas.
AS FINAIS DO DOMINGO SERÁN RETRANSMITIDAS POLA CANLE DE YOUTUBE DA FEDERACION GALEGA DE BALONMÁN
INSCRIBE AO TEU EQUIPO AQUÍ
A través deste formulario procédese á inscrición dos equipos para as diferentes probas da Copa Balonmán 5x5 Deputación da Coruña 2024.
SE PARTICIPAS RECIBIRÁS UNHA EQUIPACIÓN DE AGASALLO E DESFRUTARÁS DE AGASALLOS
Equipos: Entre 5 e 8 integrantes, mixtos.
Obrigatorio: Responsable do equipo maior de 16 anos.
Prezo: Gratuíto.
Categoría 1: 2012 /2013
Categoría 2: 2014/2015/2016
Os equipos xogarán nunha das franxas escollidas (último punto do formulario) sempre e cando queden ocos libres (por orde de inscrición). As franxas de xogo son:
Venres tarde - Sábado mañá - Sábado tarde
O domingo de mañá celebraranse as eliminatorias e finais para os equipos clasificados, xunto coa entrega de trofeos para os mellores clasificados.
Consultas e máis información: c.tecnica@fgbalonman.com - 986410618 / 670892328
DESPOIS DE CUBRIR O FURMULARIO, CHAMAREMOSVOS PARA CONFIRMAR A INSCRICIÓN