-A biblioteca sadense, englobada na concellería de Cultura, foi seleccionada polo concurso de proxectos de animación á lectura María Moliner en municipios de menos de 50.000 habitantes organizado polo servizo de promoción da lectura do Ministerio de Educación, Cultura e Deporte.
Sada 7 novembro 2016
O pasado mércores o Servizo de Promoción da Lectura pertencente á Secretaría de Estado de Cultura do Ministerio de Educación, Cultura e Deporte notificaba á directora da Biblioteca Municipal Ramón Suárez Picallo, María Pena, a resolución do concurso de proxectos de animación á lectura María Moliner en municipios de menos de 50.000 habitantes.
“A súa biblioteca foi unha das seleccionadas pola Comisión de Valoración da campaña María Moliner” indicaba o escrito que ademais sinalaba que premio inclúe un lote de libros para a biblioteca sadense.
O Ministerio premia o proxecto da Biblioteca Municipal “A Lectura: ferramenta para unha Vida” que entre as accións que desenvolve atópanse A Liña de Inglés, Os Talleres de Illa Fantasía (coa bruxas Analfabeta, TachaTodo e Fortunata) e ChocolaSada, as tres acción dirixidas aos nenos e nenas sadenses.
Sada resultou premiada xunto a outros oito concellos da provincia da Coruña nun concurso que ten por obxectivo premiar a aquelas bibliotecas de municipios que leven a cabo un proxecto único que inclúa as accións de animación á lectura, a eficiencia e labor bibliotecario, a integración social na súa comunidade, así como o uso das novas tecnoloxías.